প্ৰাকৃতিক ভূগোল (part-3)

১/ বলিয়াৰি কেই প্ৰকাৰৰ আৰু কি কি ? 

উত্তৰ:- মৰুভূমিত সাধাৰণতে তিনি প্ৰকাৰৰ বালিয়াৰি দেখিবলৈ পোৱা যায় । সেইকেইটা হল :-

ক/ অনুদৈৰ্ঘ্য বালিয়াৰি :-

অনুদৈৰ্ঘ্য বালিয়াৰি (LONGITUDINAL SAND DUNE )

যিবোৰ বালিয়াৰি বতাহৰ দিশত দীঘলীয়াকৈ গঠিত হয়,তেনে ধৰণৰ বালিয়াৰিক অনুদৈৰ্ঘ্য বালিয়াৰি বোলে।

খ/ অনুপ্ৰস্থ বালিয়াৰি:-

অনুপ্ৰস্থ বালিয়াৰি (TRANSVERSE SAND DUNE)

যিবোৰ বালিয়াৰি পথালিকৈ বতাহৰ দিশৰ লগত প্ৰায় লম্বভাৱে গঠিত হয় , তেনেধৰণৰ বালিয়াৰিক অনুপ্ৰস্থ বালিয়াৰি বোলে ।

গ/ বাৰখান :- 

বাৰখান ( BARCHAN)

মৰুভূমিৰ কোনো কোনো ঠাইত পৰিস্থিতি সাপেক্ষে অৰ্ধ চন্দ্ৰাকৃতিৰ বালিয়াৰিৰ সৃষ্টি হয় । এনেধৰণৰ বালিয়াৰিক বাৰখান বোলে ।

২/ সংনিঘৰ্ষণ কাক বোলে ?

উত্তৰ:- মৰুভূমিত বতাহৰ জৰিয়তে সৃষ্টি হোৱা এটা ঘৰ্ষণজনিত অৱয়ব হল সংনিঘৰ্ষণ । মৰুভূমিত  কেতিয়াবা শক্তিশালী বতহে শিল-বলিবোৰ এঠাইৰ পৰা আন ঠাইলৈ উৰুৱাই নিওঁতে শিল-বালিবোৰৰ মাজত পাৰস্পৰিক ঘৰ্ষণৰ সৃষ্টি হয় । ইয়াৰ ফলস্বৰূপে শিল-বালিবোৰ ভাঙি সৰু সৰু টুকুৰাত পৰিণত হয় আৰু এনেদৰে  পাৰস্পৰিক ঘৰ্ষণৰ  ফলত শিল-বালিবোৰ টুকুৰা টুকুৰ হোৱা প্ৰক্ৰিয়াক সংনিঘৰ্ষণ বোলে ।

৩/ হিমবাহ কেইপ্ৰকাৰৰ আৰু কি কি ?

 উত্তৰ:- হিমবাহ সাধাৰতে তিনি প্ৰকাৰৰ । 

     
সেইকেইটা হ'ল:-

 ক/ মহাদেশীয় হিমবাহ :-  মেৰু অঞ্চলৰ বৃহৎ

এলেকাজুৰি বিস্তৃত হিমবাহক মহাদেশীয় হিমবাহ বোলে।
মহাদেশীয় হিমবাহউত্তৰকানাডা,গ্ৰীণলেণ্ড,স্কান্দিনেভিয়া,
এণ্টাৰ্কটিকা আদিত দেখা পোৱা যায় ।

খ/ পাৰ্বত্য হিমবাহ :- পৰ্বতৰ উচ্চাংশত পোৱা হিমবাহক পাৰ্বত্য হিমবাহ বোলে। এই হিমবাহ উত্তৰ আমেৰিকাৰ ৰকি, ইউৰুপৰ আপ্লছ, এছিয়া মহাদেশৰ হিমালয় পৰ্বতমালাত পোৱা যায় ।

গ/ গিৰিপদ হিমবাহ :- যেতিয়া কেইবাটাও উপত্যকা হিমবাহ পাৰ্বত্য অঞ্চলৰ পৰা নামি আহি পৰ্বতৰ পাদদেশত মিলিত হৈ পৰ্বতৰ দাঁতিকাশৰীয়া নিম্নভূমিত বিয়পি পৰে । এনেধৰণৰ হিমবাহক গিৰিপদ হিমবাহ বোলে । এই হিমবাহ উত্তৰ আমেৰিকাৰ আলাস্কাত দেখা যায়।