প্ৰকৃতিক ভূগোল (part-1)
 |
১/ স্থলাকৃতি বুলিলে কি বুজা ?
উত্তৰ:- পৃথিৱীৰ উপৰিভাগ বিভিন্ন অৱয়ৱ যেনে পৰ্বত পাহাৰ,মালভূমি,সমতল,উপত্যকা,নদী,বালিৰ পাহাৰ,হিমবাহ,মহাসাগৰ আদিৰ দ্বাৰা গঠিত। এই অৱয়ৱবোৰকে একেলগে স্থলাকৃতি বোলে।
২/ ভূ-আকৃতিক বিজ্ঞানৰ সংজ্ঞা দিয়া ?
উত্তৰ:- ভূগোলৰ যিটো শাখাত স্থলাকৃতিবোৰৰ উৎপত্তি, ক্ৰমবিকাশ,আকাৰ-আকৃতি আৰু বিতৰণ সম্বন্ধে অধ্যয়ন কৰা হয়, সেই শাখাটোকে ভূ-আকৃতিক বিজ্ঞান বোলে।
৩/ অৱনমন বুলিলে কি বুজা ?
উত্তৰ:- বতাহে মৰুভূমিত তিনিটা কাৰ্য সম্পাদন কৰে। সেইকেইটা হ'ল খনন,পৰিৱহণ আৰু অৱক্ষেপণ। বতাহে মৰুভূমিৰ এঠাইৰপৰা ধূলি -বালি উৰুৱাই নি সেই ঠাইক আপেক্ষিকভাৱে দ কৰি তোলা প্ৰক্ৰিয়াটোকে অৱনমন বোলে।
৪/ মৰুদ্যান কি ?
 |
| মৰুদ্যান (OASIS) |
উত্তৰ:- মৰুভূমিত অৱনমন প্ৰক্ৰিয়াৰ ফলত কোনো এটা অংশৰ উচ্চতা কমি ভূ-গৰ্ভস্থ জলপৃষ্ঠৰ ওচৰ পাব পাৰে। সেই অৱনমিত অংশটোৱেই হৈছে মৰুদ্যান।
৫/ বালিয়াৰি বা বালিৰ পাহাৰ কাক বোলে ?
 |
| বালিয়াৰি (SAND DUNE'S) |
উত্তৰ:- মৰুভূমিত বতাহে কঢ়িয়াই নিয়া ধূলি-বালিবোৰ যি ঠাইত জমা হয় ,সেই অংশটো ওখ হৈ শেষত পাহাৰৰ ৰূপ লয় । বলিৰ দ্বাৰা গঠিত এনেধৰনৰ পাহাৰক বালিয়াৰি বা বালিৰ পাহাৰ বোলে।
Comments
Post a Comment